gallery/заставка 11
gallery/календарь

ЗНАМЯНАЛЬНЫЯ I ПАМЯТНЫЯ ДАТЫ ЧАЧЭРШЧЫНЫ

У 2019 ГОДЗЕ

У інфармацыйна-бібліяграфічнае выданне “Каляндар знамянальных і памятных дат Чачэршчыны  на 2019 год” уключаны даты найбольш значных падзей у гісторыі горада, раёна, юбілеі знакамітых людзей, жыццё і дзейнасць якіх звязаны з краем.

Матэрыял распаложаны ў храналагічным парадку.

Пры складанні ”Каляндара знамянальных і памятных дат Чачэршчыны на 2019 год” выкарыстоўваліся  каляндары знамянальных і памятных дат мінулых гадоў, даведачныя выданні, краязнаўчыя матэрыялы.

Каляндар дапаможа бібліятэчным работнікам, настаўнікам, ідэалагічнаму актыву і ўсім, хто будзе планаваць сваю работу на 2019 год у краязнаўчым напрамку.

АГУЛЬНЫЯ ДАТЫ

 

860 гадоў (1159) з часу першага  ўпамінання Чачэрска ў Іпацьеўскім летапісе.

 

390 гадоў з часу (1629), калі Чачэрск атрымаў прывілей на штонядзельны гандаль і на два двухтыднёвыя кірмашы штогод.

 

315 гадоў  з часу (1704) першага ўпамінання  вёскі Палессе ў “Інвентары Чачэрскага стараства”  у кнізе “Магілёўская даўніна”.

 

265 гадоў з пачатку  дзейнасці ў Чачэрску езуіцкай місіі (1754) .

 

170 гадоў з часу пабудовы ў Чачэрску прыстані на р. Сож. Кожны год з Чачэрскай прыстані адпраўлялася 25 гандлёвых судоў.

 

155 гадоў з часу  адкрыцця народных вучылішчаў у вёсках Нісімкавічы, Палессе (1864).

 

120 гадоў з  дня нараджэння  Лізюкова Яўгена Ільіча (1899, в. Нісімкавічы - 7.07.1944), адзін з кіраўнікоў партызанскага руху на тэрыторыі Мінскай вобласці, адзін з братоў Лізюковых, імем якіх названы вуліцы ў Гомелі і Чачэрску. У в.Нісімкавічы ім устаноўлены помнік. У Гомелі - мемарыяльная дошка.

 

115 гадоў з дня нараджэння Пуплікавай  Ганны Васільеўны (1904, в. Палессе - 1997), заслужанай настаўніцы БССР (1968). Узнагароджана ордэнам Леніна (1956).

 

115 гадоў з дня нараджэння Сасноўскага Афанасія Фёдаравіча  (1894, в. Шылавічы - 1969), заслужанага настаўніка БССР (1937).

 

100 гадоў з дня нараджэння  Курганскага Аляксея Пятровіча  (1919, в Турышчавічы), заслужанага настаўніка БССР (1967). Узнагароджаны ордэнам  Айчыннай вайны 1 ступені, медалямі.

 

95 гадоў з дня нараджэння Жарнаковай Ніны Мікітаўны (1924 - 20.12.2007), заслужанай настаўніцы БССР (1972). Узнагароджана медалём “За доблесную працу”.

 

95 гадоў з дня нараджэння  Мусакова Георгія Іванавіча (1924, г.Чачэрск – 5.09.1975), заслужанага настаўніка БССР (1965).

90   гадоў з дня нараджэння   Падабедава   Рыгора Нікіфаравіча (1929, Сябровічы - 17.06.1943, Рудня Барталамееўская ). Юны партызан.

 

90 гадоў   з дня нараджэння  Паповай Валянціны Іванаўны (1929, г. Пячаева Тамбоўскай вобласці), заслужанай настаўніцы БССР (1973).

 

90 гадоў з часу стварэння  Палескай сельскай   бібліятэкі (1929).

80 гадоў з пачатку дзейнасці пачатковай школы ў в.Селянін (1939).

 

65 гадоў з часу стварэння Батвінаўскай сельскай   бібліятэкі (1954).

 

65 гадоў з часу стварэння раённага Дома піянераў (жнівень 1954) .

 

60  гадоў  з   дня нараджэння  Курцовой Веранікі Мікалаеўны (1959,  в.Залессе ). Беларускі мовазнаўца. Кандыдат філалагічных навук (1994).

 

45 гадоў з часу адкрыцця новага будынка раённай бальніцы (1974).

 

90 гадоў з часу заснавання адкрытага акцыянернага таварыства "Палессе" (1929). Заснаваны як калгас.

 

90 гадоў з часу заснавання адкрытага акцыянернага таварыства  «МатнявічыАгра» (1929). Заснаваны як калгас.

 

40 гадоў з дня нараджэння  Сотнікава Ігара Віктаравіча

(1979, г.Чачэрск). Майстар спорту па вольнай барацьбе самба.

 

30 гадоў з часу заснавання (1989) народнага ансамбля народнай музыкі і песні, в.в Гацкое, Нісімкавічы. Званне народнага прысвоена ў 1996 г.

 

25 гадоў з часу правядзення 2 Рэспубліканскага фестывалю "Беларуская полька" ў Чачэрску (1994).

СТУДЗЕНЬ

2 -  70 гадоў з дня нараджэння Макарцова Мікалая Фёдаравіча (2.01.1949- 23.01.2012), рэжысёра, сцэнарыста, збіральніка беларускага тэатральнага фальклору. Стваральнік і мастацкі кіраўнік Гомельскага фальклорнага тэатра “Жалейка”, рэжысёр свят, мерапрыемстваў ў Чачэрску.

2 - 110 гадоў з дня нараджэння Лізюкова Пятра Ільіча ( 2.01.1909, г. Гомель - 30.01.1945), Героя Савецкага Саюза (1945). Пахаваны ў п.Ушакова Калінінградскай вобл. Яго імем названы рыбалоўны траўлер.

10 – 60 гадоў з часу стварэння Чачэрскай ПМК – 118. “Чачэрскай Міжкалгаснай будаўнічай арганізацыі” (10.02.1959 г.).

 

 

ЛЮТЫ

4 - 80 гадоў з дня нараджэння Пернікава Уладзіміра Рыгоравіча (4.2.1939, в. Ганнаполле) .  Член Саюза журналістаў. Уласны карэспандэнт рэспубліканскай газеты "Звязда" па Гомельскай вобласці. Узнагароджаны медалём “За працоўную доблесць” (1987).

 

САКАВІК

10 - 90 гадоў з  дня нараджэння Герасімавай Ганны  Іосіфаўны (10.03.1929, в. Роўкавічы) , заслужанай настаўніцы БССР(1071).

13 – 70 гадоў з дня нараджэння  Яўстраценкі Мікалая Мікалаевіча (13.03.1949, г. Чачэрск). Прызёр і пераможца спаборніцтваў па лыжных гонках на першынство Савецкай Арміі.

18 – 130 гадоў з  дня нараджэння Палікарпавіча Канстанціна Міхайлавіча (18.03.1989 , в. Белая Дуброва Касцюковіцкага раёна - 20.02.1963), беларускага археолага. Кандыдата гістарычных навук (1951). Адкрыў і вывучыў палеалітычныя стаянкі, у т.л. стаянку Бердыж.

 

КРАСАВІК

7- 80 гадоў з  дня нараджэння   Куцакова Мікалая Міхайлавіча  (7.04.1939, в. Барсукі). Ганаровы грамадзянін Чачэрскага раёна (Раш.№78 ад 28.11.2011). Святар храма Свяціцеля Мікалая Цудатворца ў в.Палессе (2011).

7 - 85 гадоў з  дня нараджэння   Афанасенкі Яўгена Іванавіча (1914, в. Будзічша – 13.3.1992), дзяржаўнага дзеяча. Працаваў настаўнікам, завучам школы, загадчыкам райана, першым сакратаром райкома партыі Масквы. У 1954-1963 гг.- міністр асветы РСФСР. З 1963 г.пасол у Конга.

 

МАЙ

 

19 - 105 гадоў з  дня нараджэння  Круглікава Мікіты Конанавіча (19.05.1914, в.Залессе – 8.12.1943), Героя Савецкага Саюза (1944). Загінуў у баі за в. Медзялёўка Жытомірскай вобласці. Яго імем названы завулак ў Чачэрску, імя занесена на мемарыяльную пліту ў в. Крутое.

 

25- 75 гадоў з  дня нараджэння  Федарасавай  Валянціны Рыгораўны  (25.05.1944, п. Нікольск). Дацэнт кафедры славянскай гісторыі і метадалогіі гістарычнай навукі Беларускага дзяржаўнага педагагічнага ўніверсітэта імя М.Танка (1983 ).

 

30 - 70 гадоў з  дня нараджэння  Яноўскай  Валянціны Васільеўны (30.05.1949, в. Глыбочыца). Дацэнт (2001). Загадчыца сектарам гістарыяграфіі і метадаў гістарычнага даследавання Інстытута гісторыі НАН Беларусі (2006 ).

 

ЧЭРВЕНЬ

7 – 85 гадоў з  дня нараджэння  Булкіна Аляксея Сцяпанавіча  (7.06.1934, с. Захарполле). Кандыдат эканамічных навук (1974).

 

ЛІПЕНЬ

1 - 80 гадоў з  дня нараджэння Караткевіча  Аляксандра Вікенцьевіча             (1.07.1939, в. Глыбочыца), беларускага вучонага ў галіне механізацыі  сельскагаспадарчай вытворчасці. Член-карэспандэнт Акадэміі аграрных навук (1992 - 2002). Доктар тхнічных навук (1991). Прафесар (1992). Акадэмік беларускай інжынернай акадэміі (1993). Заслужаны работнік сельскай гаспадаркі Беларусі (1989).

2- 80 гадоў з дня нараджэння  Івашкова  Леаніда Пятровіча (2.07.1939, в. Шылавічы - 12.12.2012 ) , спявака (лірычны тэнар), педагога. Заслужаны артыст Беларусі (1995). Кандыдат мастацтвазнаўства (1989). Прафесар (1992).

3 - 80 гадоў з дня нараджэння Караткевіча Уладзіміра Аляксандравіча  (3.07.1939, г.Чачэрск - 20.07.1999.). Заслужаны дзеяч мастацтваў Рэспубліка Беларусь (1997), мастацкі кіраўнік Гомельскага абласнога драматычнага тэатра. Лаўрэат прэміі імя Л.Мазалеўскай (1997).

25 - 80 гадоў з  дня нараджэння  Сціпаковай Зінаіды Карнееўны (25.07.1939, в. Даросіна Слуцкага раёна ). Ганаровы грамадзянін г.Чачэрска (1999).

27 – 70 гадоў з  дня нараджэння  Зорына Міхаіла Іванавіча (27.07.1949, в. Малынічы). Майстар спорту па веласпорце (1969). Чатырохразовы чэмпіён Беларусі.

 

ЖНІВЕНЬ

13 - 85 гадоў з дня нараджэння  Маслава Віктара Паўлавіча (13.08.1934, в. Залессе). Кандыдат тэхнічных навук (1967), дацэнт (1967),  акадэмік Украінскай акадэміі навук нацыянальнага прагрэсу.

29 - 235 гадоў  з дня  смерці Чарнышова Захара Рыгоравіча (18.03.1722 - 29.08.1784).

ЛІСТАПАД

25 - 105 гадоў з дня нараджэння Цярэшчанкі Сямёна Канстанцінавіча (25.11.1914, в.Будзічша), удзельніка партызанскага руху на тэрыторыі Гомельшчыны ў гады Вялікай Айчыннай вайны.